Rejima îşxalker ji keştîya fîloya azadîyê ku ji bo dorpêça li dijî Xezzeyê bişkînê birê ketibû re êrîş kir
ÎHAyekî aîdê rejima îşxalker, li peravên Maltayê keştîyekî aîdê Fîloya Azadîyê ku bi armanca şikandina dorpêça li dijî Xezzeyê birê ketibû kir hedef. Di encama êrîşê de di keştîyê de şewat derket.
Li gorî qenela El Cezîreyê, keştîya bi navê “El Damîr” (Wijdan) ji Tunisê dihat û di nav wî de 30 aktîvîstên ku di warê mafên însanî ya navneteweyî de fealîyetan dikirin hebûn. ÎHAyên îşxalker, li peravên Maltayê keştîyê hedef girt.
Hat îfadekirin ku êrîş ji teref du ÎHAyan ve hat lidarxistin, ji van yek jeneratora ceryanê ya keştîyê hedef girtîye. Encax ji aktîvîstan tu kes birîndar nebûne.
Li gorî nûçeya ku ji teref CNNê ve hatîye belavkirin, mesulê çapemenîya Fîloya Azadîyê, diyar kir ku êrîşa rejima îşxalker di keştîyê de bûye sedema qulbûnê û niha keştî binav dibe.
Berdevkê Fîloyê, îfade kir ku ew ji keştîyê banga alîkarîyê şandine lê tenê Qibrisa Başûr bersivê bangê dane û ji bo wan keştîyekî xelaskirinê şandine.
Li gorî planê, ew ê ji Maltayê jî hinek aktîvîst beşdarî keştîyê bibûna. Dihat plankirin ku keştî ji Xezzeyê bi tonan alîkarîyên însanî bigihandana.
Koalîsyona Fîloya Azadîyê par, plan kiribû ku ji welatan ku di nav de Tirkîye û Lîbya jî heye ji Xezzeyê re bi keştîyan alîkarîyê bşînin.
