HAMASê jı hemû cîhanê re bang kir: Divê meydan bên dagirtin, li dijî zilmê deng bê bilindkirin
HAMAS bang li gelê Filistînê, ummeta Îslamî û wijdanên azad ên cîhanê kir ku vê dawiya hefteyê ji bo rawestandina qirkirina li Xezzeyê û îxlalkirinên li Qudsê rabin ser piyan.
Ji HAMASê bangek hat kirin ku li hember êrîşên qirkirinê yên rejîma sîyonîst li Xezzeyê û îxlalkirinên wê yên li ser nirxên pîroz ên li Mescîda Eqsayê bertek nîşan da. Di daxuyaniya ku ji hêla tevgerê ve hat dayîn de, hemû ummeta Îslamî û gelên cîhanê, bi taybetî jî gelê Filistînê, roja Înê, Şemî û Yekşemê ji bo meydanan hatin vexwendin.
"Dema rabûna ji bo Xezzeyê, Qudsê û Eqsayê ye!" Di daxuyaniyê de tekezî li ser pêwîstiya bikaranîna hemû rêbazên rewa yên berxwedan û zexta civakî li dijî zilma dagirkeriyê hat kirin.
"Em bang li gelê xwe yê bi rûmet, ummeta xwe û hemû gelên cîhana azad dikin: Em ji bo Xezzeyê, ji bo Qudsê, ji bo Eqsayê bi hev re radiwestin! Dema rabûna li dijî zilmê, derketina kolanan, berxwedana li dijî dagirkeriyê ye."
Di daxuyaniyê de hat gotin ku di demekê de ku hewl tê dayîn ku bi dorpêçkirin, birçîbûn û bombebaranê Xezzeyê were wêrankirin, bêdengî li dijî rûmeta mirovahiyê ye. HAMASê bang li hemû mirovahiyê kir:
"Meydanan tijî bikin, li ber balyozxaneyan xwepêşandanan organîze bikin, boykotên bazirganî û çandî zêde bikin, dengê xwe li ser medyaya civakî bilind bikin, dua û meşên xwe ji bo Qudsê û Eqsayê paşguh nekin."
